السلام عليكم بالله انا توسطت لمجموعة من التوانسة مقيمين في الخارج وانا مقيم معاهم نخدموا الكلنا اساتذة وبحكم صورتي النظيفة وثقتي مع الناس التوانسة هذومة كلفوني بش نهز فلوس ونعطيها لوكالة اسفار بش يحجزولنا تساكر خاطر الوكالة هذه حجزت معاها لاصحابي الي هومة عدد بسيط باسعار خيالية وبعد كيف سمعوا التوانسة لخرين بالحكاية حبوا يتعاملوا مع هالوكالة هذه. وكان عدد كبير مالتوانسة المرة هذه ومبلغ كبير. ياخي الوكالة هذه سلمتني جزء من التساكر وتحيلت عليا في بقية الفلوس قعدت انا في مشكلة. الوكالة هذه طمعتنا ماللول بالسوم مغري وبعد ما جبتلهم عدد كبير ومبلغ في حدود خمسمائة مليون حجزوا لعدد بسيط وطفوا الضو على الباقي وقالولي فلوسك وفات. انا رافع قضية ضد الوكالة وهومة ناكرين استلام الفلوس لانه فمة فلوس خذوها من عندي كاش من غير وثيقة اما عندي شهود ورسائل تثبت استلامهم للفاوس كاملة المهم الناس الي عطاوني فلوسهم رفعوا بيا قضية واتهوني انا اني تحيلت عليهم وانا تو رشوشي. ومنجمش نمشي نعطي اقوالي في القضية الي رافعها انا ضد الوكالة الي تحيلت عليا في فلوس الناس هذومة. قلي الحل كفاش نعمل ونحب نتنحى مالرشارش بش نجم نخدم على روحي ونعيش صغاري ونتبع حقي وحق الناس الي شاكين بيا. ملاحظة الشخص صاحب الوكالة هو تو رشرشي في قضية تحيل ثابتة عليه من زميلي الي وقع ضحية كيفي وهارب مالعدالة. في تونس. وشكرا